რატომ ციმციმებს კამერაზე ნათურა?

აი, როგორ უნდა მოვთოკოთ კამერის “თვითშემოქმედება” და დავაყენოთ ის სწორ სამუშაო რეჟიმზე:

  1. ბლუთუსის კონფიგურაცია: მენიუს ლაბირინთები

 პირველ რიგში, უნდა ვესტუმროთ კავშირის პარამეტრებს. შედით მენიუში, მოძებნეთ Bluetooth Settings და ყურადღება მიაქციეთ შემდეგ პუნქტებს:

• Auto Image Transfer Order: გამორთეთ (OFF), თუ არ გსურთ, რომ კამერამ ყოველი გადაღების შემდეგ თავად გადაწყვიტოს, რომელი ფოტოა “ღირსი” ტელეფონში მოსახვედრად.
• Smartphone Location Sync: თუ ეს ჩართულია, კამერა მუდმივად ეძებს ტელეფონის GPS-ს. გამორთვა დაგიზოგავთ ენერგიას.
• Connect While Power OFF: აი, მთავარი “დამნაშავე”. თუ ეს ოფცია ჩართულია (ON), კამერა არასოდეს იძინებს ბოლომდე. გადაიყვანეთ OFF პოზიციაში.
• Image Transfer While Power OFF: ასევე გამორთეთ, რათა კამერამ დასვენების დროს მონაცემების გადაცემაზე არ იწვალოს.

  2. “რიგის” გასუფთავება: როცა კამერას რაღაც დარჩა სათქმელი

 ხშირად, პარამეტრების შეცვლის შემდეგაც კი, ნათურა აგრძელებს ციმციმს. ეს ნიშნავს, რომ კამერას უკვე აქვს დამახსოვრებული (Pending) ფოტოები გადასაგზავნად. ეს რიგი უნდა წავშალოთ:

• გადადით გალერეაში (PLAY ღილაკით).
• დააჭირეთ MENU-ს და მოძებნეთ “Transfer Image To Smartphone”.
• აირჩიეთ “Reset Order”. ეს გააუქმებს ყველა მიმდინარე დავალებას და ნათურაც მაშინვე დამშვიდდება.

აპლიკაცია და სტაბილურობა

 ბევრი იწუნებს Fujifilm-ის აპლიკაციას, თუმცა ახალი Fujifilm XApp რეალურად ძალიან სტაბილურია. მთავარი საიდუმლო ინსტალაციისას იმალება: აუცილებლად დაეთანხმეთ ყველა მოთხოვნილ ნებართვას (Location, Bluetooth, Media access). თუ კავშირი მაინც ჭედავს, უბრალოდ ხელახლა დაასინქრონეთ ბლუთუსის კოდი.

 ამ მარტივი ნაბიჯების შემდეგ, თქვენი კამერა მხოლოდ მაშინ იმუშავებს, როცა ამას თავად უბრძანებთ. ნაკლები ციმციმი ნიშნავს უფრო მეტად დაზოგილ ბატარეას და მშვიდ სამუშაო პროცესს.

  თუ გსურთ უფრო მეტი გაიგოთ Fujifilm-ის სისტემების, კამერის “Work-flow“-ს და ტექნიკური ნიუანსების შესახებ, გამოიწერეთ ჩემი ინსტაგრამ გვერდი: @Gio.fujifilm. იქ ყოველდღიურად ვზიარებ პრაქტიკულ რჩევებს, რომლებსაც ინსტრუქციებში ვერ წაიკითხავთ.