ᲩᲔᲛᲡ ᲨᲔᲡᲐᲮᲔᲑ

გიორგი დემეტრაშვილი

 უკვე 16 წელზე მეტია, რაც ფოტოგრაფია ჩემი პროფესიული საქმიანობაა — თუმცა, ჩემთვის ეს მხოლოდ სამსახური არ არის. 2012 წლიდან ვარ Fujifilm-ის ოფიციალური ამბასადორი, X-ფოტოგრაფი და კონტენტის შემქმნელი ბრენდებისთვის. ბევრი სწორედ ასე მიცნობს — “Gio Fujifilm”.

 ჩემთვის არ არსებობს “რთული” ჟანრი. ვმუშაობ იქ, სადაც არის შუქი, ემოცია და ისტორია. განსაკუთრებით მიყვარს ადამიანების, მათი გრძნობებისა და ემოციების გადაღება. მჯერა, რომ ყველა ადამიანი, პროდუქცია თუ ადგილი უნიკალური და თავისებურად ლამაზია. ჟანრების მრავალფეროვნება კი მაძლევს თავისუფლებას, რომ სამყაროს ყოველჯერზე ახალი კუთხით შევხედო.

 სწორედ ამიტომ, ჩემი ხედვით ვცდილობ, ეს სილამაზე და ემოცია ფოტოზე ზუსტად გადმოვცე. ჩემს კადრებში ვეძებ არა უბრალოდ გამოსახულებას, არამედ იმ მომენტს, რომელიც წლების შემდეგაც ზუსტად იმავე ემოციას მოგიტანთ.

 ვცხოვრობ და ვმუშაობ თბილისში, თუმცა ყოველთვის მზად ვარ გავცდე ქალაქის ფარგლებს და ვიმუშაო ნებისმიერ სხვა წერტილში. თავისუფლად ვსაუბრობ სამ ენაზე: ქართულად, ინგლისურად და რუსულად, რაც ნებისმიერ გარემოში კომფორტულ კომუნიკაციას ხდის შესაძლებელს.

 რაც უფრო საინტერესო და კრეატიულია თქვენი იდეა, მით უფრო დიდი ენთუზიაზმით ვიმუშავებ თქვენთან ერთად. მოდით, შევქმნათ თქვენი ისტორია!

 მომწერეთ. ყოველთვის ღია ვარ ახალი თანამშრომლობისთვის და კოლაბორაციისთვის.

აღჭურვილობა და ტექნიკა

 ჩემი სამუშაო პროცესი ეყრდნობა Fujifilm X-series სისტემას — კამერებს, რომლებიც უზრუნველყოფენ უნიკალურ ფერებსა და კინემატოგრაფიულ ხარისხს.

 შუქი ჩემი მთავარი ინსტრუმენტია. უპირატესობას ვანიჭებ ბუნებრივ განათებას, რადგან ის კადრს სინამდვილესა და სიღრმეს მატებს. თუმცა, სასურველი ატმოსფეროს შესაქმნელად და რთულ პირობებში სამუშაოდ, ვიყენებ თანამედროვე განათების სისტემებს:

• ამრეკლები — ბუნებრივი შუქის დასახვეწად და რბილი ჩრდილების შესაქმნელად.
• RGB განათება — კადრისთვის კრეატიული ხასიათისა და ფერადი აქცენტების მისანიჭებლად.
• მუდმივი განათება — ვიდეო კონტენტისა და სტუდიური პორტრეტების ზუსტი კონტროლისთვის.
• იმპულსური განათება — საჭიროების შემთხვევაში, მკვეთრი და დინამიური კადრების მისაღებად.